Skip to content
March 29, 2012 / jawadbest

رأي في عدد المدونة الكثير جداً

السلام عليكم

اليوم و أمس و الأسبوع الماضي والأسبوع القادم يعني كل يوم أسمع هذه الجملة

” ممكن تدعموا مدونتي ؟”

أنا شخص بشارك في كثير من المدونات و أشوف هذه الجملة بكثرة مؤخراً

بعض المدونة تكون ممتازة وبعضها لا بأس وبعضها دون المستوى

بعض المدونة الجديدة تكون  تشمل شركة انتاج اغاني كاملة وبعضها لفرق جديدة/ قديمة و بعضها لعضو واحد!

المشكلة أن الواحد يحس بالممل لما لم يشوف هذا العدد الكبير من المدونات , يعني ما أعرف اش اتابع؟

أنا حالياً أتابع 5 مدونات لأني عارف أن هم شاملين لكل الاخبار الي أحتاجها 

 اذا دخلت عندهم دايماً أشوف أخبار وانتجات كثيرة بعني هذه هي المدونات .

 أنا عن نفسي لما قررت أفتح مدونة ما كنت أبغى أعمل مدونة متخصص لفرقة معينة لأني ساأصبح مسؤول  عن أني أكتب اخبر تلك الفرقة لأن هنالك أشخاص مهتمين ويتابعونك من أجل ذلك 

وأنا عارف اني ما عندي القدرة على كده

على العموم , ما هو رأيركم في تعدد المدونات؟

أو كيف ممكن أن نقلل عددها لكي نستفيد جميعن؟

هذا مثال لسبب تعدد المدونات

مدونة لشركة أغاني معينة يخرج واحدا من الادمن يعمل مدونة لفرقة معين من هذه الشركة ,يخرج واحد أعجب بعضو يعمل مدونة خاصة بعضو واحد من هذه الفرقة المنتمية لتلك الشركة

واحد يرد علي ويقول : أنا ماأحب كل الفرق الى في الشركة أنا أحب فرقة وحده بس و أحب أتابع مدونتهم

أنا أقولك كلمك صح و أنا كمان زيك

لكن لما تكون مدونة عن عضو واحد ما أعتقد أنك راح تقدم أكثر من مدونة الفرقه كامل , أليس كذلك؟

بعني وفر جهدك وشترك مع المدونات الكبيرة  وراح يكون الجهد أفضل و مركز في مكان واحد بحيث ما نقعد ندور في كل الدونات  عشان أقرأ أخبار

الخلاصة :

أنا لست مع المدونة الكثير الى تنفتح من أجل عضو معين أو أن صاحبه يفتحها من أجل فرقة وما نسمع أي أخبار جديدة فيها يعني حجز المدونة على الفاضي 

هذه المره ما  في تصويت , أبغى اسمع أرأكم بدون ذكر أسمي مدونات أخرة !

^__^

16 Comments

  1. reema / Mar 29 2012 6:42 am

    فكرة المدونات لمن تكون لعضو واحد من فرقة اعتبرها فكرة سيئة دي الفترة شفت مدونات كتيرة لثنائيات من اعضاء السنسد يعني زي تفاني وتيون و في كمان مدونة لسويونغ…. يعني مو مشكلة انتي ما تحبي الفرقة كلها اشتركي في مدونة تنزل اخبار الفرقة كلها وامسكي اخبار الفنان المفضل لكي يعني حيكون حاجة مملة كلو يوم خبر لعضو او فنان لحالو اما لمن يكون شامل انا اقدر اشوف اخبار الشخص المفضل ليا واقدر اتجنب اخبار الباقيين وكلو يوم نسمع ادعموا مدونتي لفرقة معينة او ادعمو مدونتي لفنان ازا كانت الفرقة كبيرة ودايما تكون نشيطة سواء بالتحديثات في مواقع التواصل الاجتماعي زي تويتر و مي تو داي ويوفو او بالادائات وبالتمثيل مو مشكلة اما لمن تكون لفنان معين ما ينفع يعني زي سنسد فرقة نشيطة فيها 9 عضوات دي اخدت اجازة في اخبار العضوات الباقيين هوا لازم يجي فترة تكون المدونة ما فيها اخبار كتيرة وخصيصا لمن الفرقة تاخد اجازة انا افضل تكون المدونة مختصة بالشركة يعني زي مدونة جي وا بي نايشين و اس ام فاملي وهابي بليدس وكيوب فاملي و واي جي كلوب ودي اس بي ميديا……. الا في حالة وحدة لمن تكون الفرقة اعضائها كتار زي سنسد والسوجو يعني ستة اعضاء وما فوق اما خمسة اعضاء واقل فترة الخمول حتكون كتيرة اغلب التدوينات حتكون تحديثات مافي اخبار كتيرة الاخبار الكتيرة تجي في فترة الترويج وانا عندي مدونتين اتابعها يوميا وحدة اللي هيا تيارا ارب فانز و هابي بليدس وفي كمان مدونة كلو يومين اللي هيا جي واي بي نايشين و اس ام فاملي اول كنت اتبعاها بعدين فجاة وقفت صرت ما اعرف انا ليش بدات اتابعها؟ عشان مين؟ جاني شعور انو في مدونات انا ادخلها فضاوة لا اكثر انا مني فانز لاحد فنانيهم فقمت شلتها مفضلتي ايوة صح مدونتك كمان ادخلها بشكل يومي وكلو ما ادخل عشان اشوف وقت البث حقت الردايو تبعك احصل وقت البث انتهى TT^TT
    وفي كمان مدونات مهي حقت كي بوب يعني ناس تكتب افكارها رأيها تنزل رسومات او دورات تدريبية مجانية او شعر او قصص او اشياء يألفوها زي الروايات وحاجات هادفة ودي المدوات كمان بعضها تكون حلوة وبعضها ما تكون حلوة يا انو ما تكون حلوة زي لمن يكون الشخص اللي فتحها وبعدين ينزل ينزل ينزل تدوينات ويجمع متابعين وبعدين يوقف او انو اول ما بدأ كان ينزل تدوينات كتيرة بشكل يومي وتدريجيا صار ينزل في الاسبوع كم شي وبعدين حبة حبة في الشهر وبعدين يصير كلو كم شهر لين ما تتقفل يعني صحيح تصير ظروف بس لو الشخص اللي يدون يكون اعطى المتبابعين اشعار انو عندو ظروف يكون احسن يعني في مدونات ما لها داعي وفي مدونات لها داعي بتشغل النفس في شي مفيد او مسلي زي مدونات الكي بوب بعضها تسلي وبعضها مملة
    ومدونتك حلوة في اشياء حلو زي الاشياء اللي تكون عامة تدينا معلومات لاشياء احنا ما فكرنا نسال عنها ونعرف اهميتها زي موضوع الفطور و النوم على الجهة اليمينة وموضوع ليش بعض الاغاني تعلق في الراس ومهارات التخاطب وفي مواضيع الراي يعني مدونتك من المدونات الحلوة تدويناتك مهي مرة كتيرة وتعطينا معلومات دفعة وحدة ولا تكون قليلة مرة يعني معدل التدوينات لا باس فيه والمدونة منوعة كلو يوم نقرى عن شي مختلف مو شي محدد واستمر

  2. beautiful0sky / Mar 29 2012 7:44 am

    بالعكس مررررررره
    يعني انا الحين مودي ابي اشوف دراما ادخل لبلوقز الي تترجم الدرامات >ماحب اتابع منتديات
    و مودي يوم ثاني برامج كوريه الي بعد ابي اسمع ميوزك ولا اشوف تصاميم ولا ابي اعرف اخبارهم

    مرررررره عاجبتني سالفة انو البلوق الكثيره لفانز الكي بوب ^^
    يعني بدل مايصير مثلا بلوق وحده لتو بي ام
    يصير بلوق حق تصاميم 3 بلوقز حق ترجمه و بلوقز ثاني حق اخبارهم يصير فيه تنوع

    هذا رايي ^^

  3. jawadbest / Mar 29 2012 7:58 am

    أنا أتفق معreema ” ريما”
    في كلمها كله
    beautiful0sky
    أتفق معكِ في جزء واختلف معك في جزء أخر
    3 بلوقز حق ترجمه مثلاً لو أنهم اشتغلوا مع بعض في مدونة وحده أعتقد أنهم راح يوفرو علينا جهد الدخول لكل مدونة
    حتى لو المدونة فيها أكثر من فريق ترجمة عادي

  4. Yürqím501 / Mar 29 2012 1:56 pm

    صدق كلامك صرت اتوه على كل شي يسوو مدونة .. في فرق لها اكثر من مدونة كذا موحلو لو يجتمعو كلهم بمدونة وحدة افضل ويشتهر المدونة
    وبعض المدونات يكتبون انهم يترجمو لكل الفرق بس تلاحظ انه اغلب اخبارها مركزة على فرق معينة ..!!
    او انهم مو نشيطين بالاسبوع خبر او خبرين انا تعقدت من هالشيء فترة انجنيت وانا ادور مدونة تترجم لكل الكيبوب وماحصلت

  5. jori / Mar 29 2012 9:15 pm

    يب يب كلامك صحح في مدوناات مالهاا دااعي لاعضااء معينين بسس ليشش يعني في مدونه للفرقه ليش يسون لعضو !!!
    ما هو رأيركم في تعدد المدونات؟
    ماالهم دااعي خااصه لمن تككون مدونه لعو وااحد من فرقه اما اذا كانت فرقه ماا عندهاا مدونه فعاادي يعني مثلي لانه مافي مدونه للوندر سويتلهم ^^

    أو كيف ممكن أن نقلل عددها لكي نستفيد جميعن؟
    نهكر المدوناات الي ماالهاا دااعي xd
    لا مااادري كيفهم بعدين هم بيسكرونهاا من نفسسهم بيحسون انهاا ماالهاا دااعي و محدد يتاابعهم ض1
    و اناا مثثل راايك بعدد ماالهاا دااعي مدوناات الاعضااء بسس هالاياام صاايرن الككل يبون مدوناات >> مو اناا طبعاا xd اناا عندي مدونه بااسمي فتحتهاا عششاان بناات عمي يبوون بس محد يتاابعناا اصلن ماا يهمناا لاننا ماا نحط اخباار اصلن بس يحطون الي يبونه << كاانه محدد ساالكي xd
    ششكرا جوااد الموضةع حلووو ^^

  6. shahadsjy / Mar 30 2012 1:53 pm

    كانت في مدونتين تجيب كل اخبار الكورين ممثلين مغنين فرق مذعين كل شي وقبل سنه قفلوهااا وضعت

    لي سوبر جونيور اكثر من 8 مدونات لو اشتمعو علي مدونه واحد حطلع شي وكافيه صفحات الفيس كمان من جد ماله داعي

    ابغه ادور علي مدونه تشمل كل الكورين مالقيت دحين ادخل علي 5 مدونات بس SM YG JYP ومدونتك و مدونة T.ARA

  7. Me / Apr 1 2012 10:30 am

    ضد فكرة تعدد المدونات لفرقة واحده أو فنان واحد ينتمي لفرقة لها مدونة خاصة بجميع أخبار الفرقة !
    أولآ : تشتت الفانز بين المدونات ..
    ثانيآ : أحيانآ تسبب مشاكل وخصوصآ لما يبدأو يقارنوا بين أخبار المدونتين المهتمة بنفس الفرقة !! أقصد لما يكون في خبر بكلآ المدونتين عن نفس العضو أو الفرقة و اخطأ صاحب / ـة المدونة في صياغة الخبر و أعطى مفهوم غير المقصود! تبدأ السالفة هنا ~> ليه الخبر يختلف ؟ أنتوا كذابين الخبر في المدونة الثانية كذا و كذا ؟!! >> شوفت هالأشياء يعني ما أتكلم من فراااغ !! ~> يعني سُبحان الله ينسوا أنهم بشر و يخطئوا !! و أحيانا الخطأ من المدونات الأجنبية اللي نقلوا عنها …
    ثالثآ : إذا كان في مشاريع و برامجيبغوا يعملوها و تحتاج لعدد كبير من الفانز >> هنا مشكلة .. فانو الفرقة الوحـدة منقسم بين مدونتين أو أكثر !! يعني أنا ما أتابع أخبار فرقتي إلا من ( مدونة رقم 2 ) و ما أدخل ( مدونة رقم 1 ) !! كيف أعرف عن مشروعهم و أشارك فيه !
    رابعآ : لما يحتاجوا إحصائيات أو تصويتات أو طلب أراء و أقتراحات … مشكلة أُخــــرى … و ما يحتاااج أوضّــح أكثر من كذا لأنو كلها واضحه …
    خامسآ : هدر الجهود لكل العاملين على المدونات المكرره ! يعني لو أندمجوا بيترتب الوضع أكثر و بيكون الأنتاج أفضل .. يعني ما رآح نشوف برنامج الفرقة ذي مترجم مرتين و موجود بالمدونتين و كل مدونة ترجمتوهـ بدون ما تدري عن المدونة الثانية .. >> هنا الإهدار بالجهد و الوقت

    وغير هالنقاط كثـــيـيـيـر لكـن كتبتها على عجـل … و بإختصاااار مآفي زي التعاون بكـل شيء !!

    أنا لو بيدي شيء أو أملك مدونة كان طلبت من الكل تصويت لأفضل المدونات اللي يشوفوا انهم مجتهدين فيها أكثررر و يصوتوا لها كمدونة رئيسية لفرقة معينة !!! و بـعدهـا أصير أعتمد بالنسبة لي على هذه المدونة للفرقة دي و أتررررك كــــــل مدونة تفتح بعدها لنفس الفرقة !!!! و إذا مالقت متابعين أكـيـــد بتوقف !! حتى لو كانت مدونتي مستعددده أوقفها و أتعاون مع المدونة الرسمية كعضو فيها !! >> الحمدلله ما لك سلطة بتنظيم مدونات الفانز و لآ عنـــدك مدونــــــة !!! ههههه

    كوماوا ع الموضوع دا لأنو بـجـــد مسوي قلـــق …

    • jawadbest / Apr 1 2012 10:35 am

      يب يب هذه المشاكل دايم تصير >_<
      ما أدري ليش ما يتعاونوا عشان يصيروا أفضل
      …شكراً على المرور الرائع

  8. றs Dj ★™ / Apr 3 2012 4:21 pm

    آنيوهآسيو اوبا
    وه والله جد كلآمك كلو صح مااعترض على شي
    من جد احس الي يفتحو مدونة لعضو من فرقة مالهم داعي ابدا زحمة على الفاضي و يعني احنا مانكسب رواتب في التدوين ولا شي مالها داعي الزحمة ==”
    او الي يفتحو مدونة ثانية لفرقة لها مدونة من اول و يكتبو ” ثاني مدونة عربية ” ؟؟!! احس مالهم داعي ابداااا و تلاقي نص اخبارهم منقوله من المدونة الاصلية😄
    بجد الناس اخذو وورد بريس لعبة لدرجة ان بعضهم يهملو دراستهم و واجباتهم عشان يدونو لفرق كي بوب؟ اتمنى توقف ظهور المدونات الكثير و الي مالو داعي ^-^
    كوماوا على الموضوع ^^

    • jawadbest / Apr 3 2012 4:34 pm

      صحيح كلامكِ
      أنا كتبت هذا الموضوع عشان كده يعني أشوف ناس كثير يضيع جهدهم على الفاضي بسبب أنهم عاملين مدونات كرره

  9. rora / Apr 7 2012 6:30 pm

    عن نفسي مدونتك دايما عندي في المفضلة واصبر عليها شوي وراح توصل الى الملايين
    وانا عن نفسي ماتعجبني ابدا الحركة ذي وزي ماقالت اختي اللي فوق لما يعملون مدونة منفردة لوحدة من السنسد الزوار يكونون مرررررررررررررة قليلين اصلا مايكون في زوار
    بس لما تكون فرقة يكونون الزوار 2 مليون
    وفي مدونة ماشاء الله موصلة لعشرة مليون وهي تترجم لفرقة وحدة بس ( السوجو )
    وهي كانت ناوية تحول المدونة لفرق كثيييرة بس جات لها ردود معارضة كثييييييييييييير
    وبعدين بطلت
    وانا اعتقد عن نفسي عدد الزوار يرجع للفرقة الي تتم الترجمة عنها
    اذا كانت مشهورة راح يكون كثير والعكس صحيح
    وانت مدونتك فكرتها ولا اروع فعشان كذا اتوقع لها مستقبل مرررررة رهيييب
    خصوصا اني علمت كل زميلاتي عنها
    وعجبتهم مرررة واصلا على طول عرفوا انك ولد من اسلوبك في التدوين
    وماشاء الله زوارها كل يوم يزيدون
    فايتنق

    • jawadbest / Apr 7 2012 6:35 pm

      وااااااو شكراً لك ِ على نشر مدونتي والله أني ما أعرف كيف ممكن أشكرك ^^”
      و الحمد الله الزوار زادو مره أمس و أول أمس هههه أعتقد أن أنتِ السبب
      ….
      كلامك صح
      و المدونة تعتمد على كيفية تقديم الواضيع و أسلوب التدوين كان و التجديد

  10. hanna / May 4 2012 12:52 am

    انتي ايش تصنيفي مدونتك من
    النوع السيء ولا من النوع الجيد
    رأي الصراحه بالنسبه لمدونتك عاديه

    • rora / May 4 2012 1:08 am

      بالعكس من اروع المدونات
      اصلا فكرتها نااادرة مستحيل تلاقين زيها
      وصاحب المدونة ولد اسمه جواد

    • jawadbest / May 4 2012 1:16 am

      شكراً لاعتباري من النوع العادي مو من التوع السئ ^^
      أنا ما أقيم نفسي أنا أخلي الارقام تتكلم يعني أنا الحمد لله عندي تقريباً أكثر من 35 ألف زائر ^^
      وأنا لما أتكلم عن عدد مدونة الكثيرة أقصد من ناحية التكرار
      يعني أكثر من مدونة لنفس الهدف لكن ليست نفس المستوى
      أنا مدونتي مختلفة يعني فكرتها مختلف قليلاً عن الاخرين
      ……
      شكراً rora على ردك ^^

  11. جد يعني انا صرت اتلخبط كثير لحد اني لي فترة شهرين ساحبة على كل المدونات الي كنت اتابعها وصرت اشوف الاخبار بالتويتر فقط !!
    احس صرت متشتتة جدا

Comments are closed.

%d bloggers like this: